طاجين الجبن بالدجاج

 طاجين الجبن بالدجاج

 
تصمت الدجاج بالإكليل والملح والكركم والفلفل الأكحل وتابل وكروية وبصلة صغيرة وقطيرة زيت ، وكيف يطيب وينزح تماما زيدو عضم مصموت و200 غ جبن وبطاطا مقلية في شكل مكعبات صغار وشوية كرام فراش وشوية معدنوس على الريحة وجبن مثلثات كيما تحب وبعد فقر العضم قدر الحاجة وحاولي إختاري مول موش كبيرة باش يجي الطاجين عالي موش مطربق وطيبو في الفور وتاكلوه بالشفاء والهناء

 

اصابع البريك في الفرن

اصابع البريك في الفرن

المقادير
اوراق البريك
200 غ لحم مفروم
1 بصلة صغيرة
ملح وفلفل و قرفة
بقدونس مفروم
3 بيضات
جبن
التحضير
في مقلاة يقلى اللحم المفروم مع البصل في قليل من الزيت والملح والفلفل و القرفة لمدة 15 دقيقة ثم يضاف البيض و البقدونس المفروم
تأخذ ورقة البريك و تقسم الى نصفين و توضع ملعقة كبيرة من حشو وقطعة من الجبن و تلف
بفرشاة تدهن اصابع البريك بالزبدة وتخبز في الفرن حتى يصبح لونها ذهبي
يقدم هذا الطبق مع الليمون

طاجين ملسوقة بالدجاج

طاجين ملسوقة بالدجاج

المكونات:
للحشو:
ورق بريك (ملسوقة)
صدر دجاج
3بيضات
معدنوس مفروم
جبن مبشور
جبن مثلثات
2بيض مطبوخ
ملح وفلفل اسود
للوجه:
بيضة مع قليل من الحليب
رشة ملح وفلفل اسود
الطريقة:
ضعي صدر الدجاج في وعاء به ماء وأضيفي عليه رشة ملح و ملعقة صغيرة اكليل و اتركيه على النار حتى ينضج .
قومي بعد ذلك بإخراجه من الماء و قطيعه إلى قطع صغيرة ثم أضيفي عليه بقية مكونات الحشو.
خذي أولاً الوعاء الخاص بالفرن و ادهنيه بقليل من الزيت أو الزبدة حسب الرغبة.
و ابدئي بفرد أوراق الملسوقة كما في الصورة
ضعي الأن الخليط و البيض المسلوق كما في الصورة
(بإمكانك إن رغبتي أن تخلطي البيض المسلوق مع بقية المكونات بعد تقطيعه إلى قطع صغيرة )
غطي المكونات بورق الملسوقة
لفي الورق الموجود على الجوانب
قومي بدهن الوجه بخليط البيضة و الحليب ثم أدخلي الطاجين للفرن على حرارة منخفضة إلى أن يكتسب اللون الذهبي

تارت بالغلة

تارت بالغلة
عجينة التارت :
300غ فرينة
125 غ زبدة
1/2 كيس خميرة قاتو
بيضة
مغرفة ماكلة سكر
ملح
وتكمل تعجنها بالحليب
خليها ترتاح 15 دق وبعد حلها عادى وحط كعيبات حمص وطيبها في الفرن (انظر الصور)
كريم موسلين :
نصف لتر حليب غليها
ركض 3 فصوص بيض ومغرفة كبيرة سكر محور وسكر فانيليا وبعد زيدهم 3 مغارف نشاء وصبهم شيئا فشيئا على الحليب المغلى مع التحريك
بردها في الثلاجة وبعد زيدها 3 مغارف زبدة وركض الكل
حط الكريمة في التارت
رصف الغلة بعدما تدهنها بالقارص
وادهن بالناباج التارت والغلة
وتاكل بالشفاء

قاتو الكاكاو

قاتو الكاكاو
في الخلاط تضرب :
كأس زيت نباتي وكأس حليب وكأس ونصف سكر و 4 مغارف كاكاو و1 فانيليا
نحي كأس إلا ربع من الخليط حطو في الثلاجة ناباج للقاتو بعدما تطيب
والباقي زيدو بيضة و1 خميرة وكأس مغربل فرينة
وطيبها في الفرن 200 درجة
وكيف تخرجها صب عليها الناباج إلى حطيتو في الثلاجة وتاكلو بالشفاء

كسكسي موش نورمال

تحط الماء يغلي ومعاه زيت وطماطم خضراء وطماطم معجونة وفلفل اكحل وكركم وفلفل مرحي وشوية طماطم شريحة وملح وزيت قديدوكرنب وحمص وبصل و3 سنات ثوم وفول وفلفل أحمر شايح وفلفل ملاحي ووريقات سلق وسفناريا وتحط الكسكسي يفور وبعد في نصف الطياب تريه بالمرق ورجعو يفور وبعد أصمت العضم واقلي القلقل وسقي كسكسيك وتأكل بالشفاء

سلاطة مشوية

سلاطة مشوية

تشوية الفلفل وطماطم والثوم ورأس بصل وبعد ترحيه وتفوحو بالكروية والملح وزيت الزيتون
سلاطة روسية
تصمت البطاطا والسفناريا والجلبانة في الماء والملح والكركم وبعد تسقطرهم وتفوح بالزيت الزيتون والفلفل الاكحل وكان تحب المايونيز والموتارد وتزين عادي بالزيتون والبصل والمعدنوس والعضم
دجاج باني :
تفوح شرائح الدجاج بالكركم والملح والفلفل الأكحل والكروية والإكليل والزيت وتخليه يبنان على الاقل 3 ساعات وبعد تلفو في الفرينة ثم البيض ثم الخبز المرحي واقليه على نار هادية
وزين الصحنات حسب الذوق وتأكلو بالشفاء والهناء

الفطائر التونسية

الفطائر العربي
تاخو صحفة صغيرة وتحط فيها مغرفة زبدة و 2مغارف زيت كمل عبيها بماء دافئ
صبها في معجنة وزيدها كيس خميرة فورية و2 مغارف سكر ومغرفة ملح وبعدخلطهم مع بعضهم وزيدهم صحفة فرينة وخليهم يتخمرو
كيف تتخمر زيدهم 2 مغاف حليب و 2 صحافي فرينة وتبدا العجينة سائلة شوية
اعمل كرات بالفرينة
وخليها تتخمر وبعد بل يديك بالزيت وحل الكعبورة وارميها في الزيت
كيف تخرجها صب عليها خويطات عسل وكعيبات بندق

شبتية بالعلوش

شبتية بالعلوش
شبتية
مكونات الشبتية :
لحم وبصل ومعدنوس وشوية برغل جويد وفرينة وفلفل مرحي وفلفل اكحل وكركم وملح وتابل مفوح وقطيرة زيت وعضم
تلفهم في الفرينة وتقلي
الصوص :
ماء وزيت وشوية بصل وفلفل اكحل وكركم وملح وتابل مفوح وارمي سنة ثوم وبعد كيف يغلي النرق ارمي الشبتية وفي نصف الطياب زيد البطاطا والفلفل بر العبيد
كيف تطيب نحي الشبتية وحدها والمرق وحدو على خاطرها تشرب المرق الكل

وتاكلو بالشفاء